Sipaia ṭan tumte thlahna hun hmang

Home minister Lalchamliana chuan November 16, Inrinni khan Youth Vikash Society (YVS) Pre Recruitment Training 2019 khârna leh training-te thlahna, Brigade Field, Bawngkawnah a hmanpui.

Lalchamliana chuan, Mizo ṭhalai, sipaia ṭan tuma inbuatsaiha inzir chhuakte chu sipai laknaa an admit card tur leh training chhunga sport an neiha ti ṭhate medal a hlân a; training nei zawng zawngte duhsakna a hlan bawk. Minister chuan, YVS anga mi dangte tana insengso ṭhinte chu an ngaihsanawm thu a sawi.

Youth Vikash Society (YCS) hi 2011-a din niin, kum tin Mizo ṭhalai sipaia ṭang duhte tan training an buatsaih ṭhin a, an hnena training chhuak sipaia tling ta mi 300 chuang an awm tawh a ni.