COVID-19: Mizoram dinhmun Hripui vei mi 6 hmuh belh a ni
January 18, Thawhṭanni khan Mizoramah Covid-19 vei mi paruk hmuh chhuah a ni a, Mizorama hripui vei hmuh tawh zawng zawng chu mi 4,329 an ni. Nimin khan mi 10 chhuahtir an ni thung.
Covid-19 vei Thawhṭannia hmuh chhuahte chu mipa pali leh hmeichhia pahnih an ni a; ZMC laboratory-a hmuh mi panga leh Rapid Antigen Test (RAT) hmanga hmuh mi pakhat an ni. TrueNAT-PCR hmanga swab sample endik zingah positive an awm lo.
Covid-19 laka fihlîm tawh mi 10 chu nimin khan enkawlna hmun aṭangin chhuahtir an ni a; Aizawl district leh Lunglei district-ah mi pathum ve ve leh Lawngtlai district-ah mi pali an chhuak a ni.
Mizorama Covid-19 vei hmuh chhuah tawh chu mi 4,329 an ni a, mipa 3,172 leh hmeichhia 1,157 an ni. Nimin tlai dar 5 thleng khan damin mi 4,251 (98.20%) chhuahtir an ni tawh a, mi pakua (0.21%) thi tawhin, enkawl mek mi 69 (1.59%) an awm.
January 18, Thawhṭanni khan Mizoramah swab sample 1,381 endik a ni a, ZMC laboratory-ah sample 499, TrueNAT-PCR hmangin district pariatah sample 145 leh RAT hmangin district pakuaah sample 737 endik a ni. Covid-19 positive hmuh chhuah mi paruk chu sample endik zat 1,381 aṭangin 0.43% a ni.
January 18, 2021 thleng khan Mizoramah swab sample 1,94,416 endik a ni tawh a, chu'ng aṭanga Covid-19 positive mi 4,329 chu 2.22% a ni. Hripui vei hmuh tawh zinga mi 2,046 chu Mizoram chhunga kái an ni a, mi 2,283 chu Mizoram páwn aṭanga an rawn luh hnua hmuh chhuah an ni thung.
Sorkar thuchhuah tarlan danin, January 18-a ZMC laboratory-a RT-PCR hmuh chhuahte chu mipa pali leh hmeichhia pakhat, puitling vek an ni a; Aizawl district-a sample lâk vek niin, tun hnaia state pawn aṭanga Mizorama rawn lut vek an nih bakah, Covid-19 symptom nei an awm lo.
RAT hmanga Covid-19 vei hmuh chhuah awmchhun chu Lawngtlai district-a Thingkah khuaa hmeichhia zirlai a ni a, hostel-a luh a hnaih vanga sample endiktir a ni.
ZMC-a hmuh chhuahte:
Republic Veng - 1: Hmeichhia kum 32, Kolkata aṭanga tun hnaia rawn haw, home quarantine lai, symptom nei lo.
Assam Rifles - 1: Mipa kum 52, Kochi, Kerala aṭanga tun hnaia rawn lut, 46 Assam Rifles hmun Zokhawsanga inkhung hrang mek, symptom nei lo.
Hotel Serow, Chaltlang - 3: Mipa kum 29-31 inkar; tun hnaia Assam aṭanga rawn lut pahnih leh Tripura aṭanga rawn lut pakhat, Hotel Serow-a inkhung hrang lai, symptom nei lo vek.
RAT hmanga hmuh:
Thingkah - 1: Hmeichhia kum 18, hostel luh dawn vanga sample test, hri kaina hriat loh, symptom nei lo.