Ramngaw/nungcha humhalh sawiho

Environment, Forest & Climate Change (EFCC) minister TJ Lalnuntluanga hoin nimin khan PCCF conference hall-ah nungcha leh ramngaw humhalh kawnga hma latu pawl hrang hrangte'n khauh zawka nungcha leh ramngaw humhalh dan tur an sawiho.

TJ Lalnuntluanga chuan, nungcha humhalh chungchang uar leh zuala mipui zirtir a ngaih thu sawiin, "Nungcha leh ramngawte hi sik leh sa inthlak thleng nghawng nei a ni a, a neitu an nihzia mipui hrilh tam a ngai. Khaptu, dotu leh mantu mai ni loin, khawvela kan dam khawchhuahna tura enkawltu leh hma latu, Pathianin a siamte uluk tak leh duat taka enkawltu kan nihna hi mipui hriattir a, an ngaihdan kan thlâktir a ṭul a ni," a ti.

Inhmuh khawmnaah hian inzirtirnaah ṭangkai leh awmze nei zawka hmalakna tur te, dan leh thupek kenkawhna kawnga khauh zawka hmalak a ṭul thu te, ramngawte ṭha zawka hum­halh leh silai scope nei hluar ta lutuk khuah­khirh chungchangte an sawi a ni.