NAAC-in T Romana College an endik

National Assessment and Accreditation Council (NAAC) Peer Team chuan nimin khan T Romana College an endik a, vawiinah an endik chhunzawm leh ang. NAAC hi India rama zirna sang - college leh university-te endika grade petu a ni.

Tun ṭuma an endik hi NAAC team-in T Romana College ṭum thum an endikna a ni a; Republic Vengthlanga college hmunhma leh building-te an tlawh a, T Romana College-a thawktute leh zirlaite'n an lo dawngsawng.

NAAC aṭanga endik tura rawn kalte chu - chairperson Dr Mohammed Basheer (University of Calicut vice chancellor hlui), member coordinator Dr Raj Kumar Kothari, Vidyasagar University, West Bengal-a Department of Political Science professor leh, Dr Allwyn Mendoz, Saint Claret College, Arunachal Pradesh-a principal-te an ni.

T Romana College-ah hian thawktu - teaching staff 42 leh non-teaching staff 17 awmin, zirlai 1,320 an nei a; tunah hian NAAC 'B' Grade an nei mek.