Vawiinah session ṭan dawn

Mizoram Legislative Assembly pariatna session vawi lina chu vawiin chawhma dar 10:30 hian Assembly House-ah ṭan a ni dawn. Tun ṭum session hian ni thum chhung a awh ang.

Vawiin hian session ṭan a nih veleh session hnuhnung ber leh tun ṭum session inkara legislator (MLA & MP) thite sûnna hun hman a ni dawn a, chumi hnu­ah zawhna leh chhanna hun leh sorkar thil pawimawhte ngaihtuah tur a ni. Ni hnihna leh a tâwp ní chu zawhna leh chhana hun leh sorkar thil pawimawhte ngaihtuahna hun atan hman a ni ang.

Tun ṭum session atan hian he thu ziah lai thleng hian bill pariat, official resolution pakhat, starred question 207 (paruk hnâwl a ni) leh un­starred question 22 a lut a ni.