Champhai DC leh MJA-te an inkâwm

Champhai DC SL Naveen chuan nimin khan a pisaah Champhai District MJA member-te léngah sawmin a kâwm a, an district hmasawnna turte an sawiho.

SL Naveen chuan, sor­kar thuchhuak leh hmalakna hrang hrangte mipuite’n an hriat zel theihna tur­in thuthar theh­darhtute ṭawiawmna a ngen a, "Sorkar hi amah maia kal thei a ni lo a, media, NGO leh district mipui­te puihna leh ṭawiawmna a mamawh fo a ni," a ti a; thuthar theh­darhtute chu sorkarin a mamawh leh puih a ngaih hun pawha biakpawha ban phak maia awm turin a chah.

MJA Champhai District MJA member-te chuan, Bawrhsap tharin a hun remchang neih hmasak bera lénga a sáwm chu lawmawm an tih thu sawiin, Champhai district tana hriat reng tlak hnutchhiah ngei tum turin an chah a; ram leh hnam tana rawngbawl kawngah ṭha taka ṭawiawm an tum thu an sawi bawk.

Champhai Bawrhsap hi additional DC V Alexander V Chongthu, SDO (Sadar) Zoremthara Ralte leh IPRO Dr Lallawmkima ten an ṭawiawm a ni.