IAS leh IPS officer sîksawi

Ministry of Home Affairs (MHA) chuan tun hnai khan IAS leh IPS officer eng emaw zat chu an awmna hmun a sîksawi a, Mizorama IAS leh IPS awm mek ṭhenkhatte pawh sawn chhuah niin, Mizorama awm thar tur an awm nual bawk.

Mizoram aṭanga IAS sawn chhuah turte chu - Aizawl DC Dr A Muthamma, Kolasib DC Dr Arun T leh Siaha DC Harleen Kaur te an ni. Hetih lai hian, New Delhi-a awm mek IAS officer pahnih - Sakshi Mittal leh SL Naveen te chu Mizorama awm tura tih an ni.

IPS officer aṭangin Mizorama IGP pahnih - LH Shanliana leh Neeraj Thakur te, Aizawl SP Brijendra Kumar Yadav leh Kolasib SP Abhisek Dhania te chu Mizoram páwna awm tura sawn an ni a; New Delhi-a awm mek IPS pahnih - Ajay Chaudhary leh Rajneeth Gupta te bakah, Goa-a awm mek Karthik Kasyap leh Priyanka Kasyap te chu Mizorama an tura tih an ni thung.