Minister leh CYMA OB-te inkâwm

Law & Judicial minis­ter TJ Lalnun­tluanga'n a sawm angin Central YMA office bearer-te chu November 18, Thawhṭanni khan Minister pisaah an léng a, thil chi hrang hrang an sawiho.

Minister TJ Lalnun­tluanga chuan, CYMA hruaitu tharte chu Zo fate hmasawnna, inunauna leh inpumkhatna atan an theihnate hmang zel turin duhsakna a hlàn a; sorkar leh tlawmngai pawlte thawhhona ṭhain rah duhawm tak a chhuah a beisei thu a sawi.

TJ Lalnuntluanga chuan, a department chan pakhat, Environment, Forest & Climate Change kaihhnawihah, nungcha leh ramngaw, thing leh mau, tuihna humhalhna kawnga CYMA hmalakna kal mek leh, YMA Gene­ral Conference-in hmachhawp a neih mek chu chak lehzuala kalpui a nih theihna turin YMA-te thawhpuiah a sáwm a ni.