Champhaiah Children Carnival buatsaih
Champhaia District Child Protection Unit (DCPU) leh District Legal Services Authority (DLSA)-te chuan nimin khan Champhai Kahrawt venga Rohmingliana Recreation Centre/Children’s Park-ah Children's Week pualin Children Carnival an buatsaih a, Champhai SP Rex Zarzoliana Vanchhawng-in a hawng.
Rex Zarzoliana Vanchawng chuan, Children Carnival hmang tura kal khawm naupangte chu an hunte hlim taka hmang tur leh an nu leh pa leh aia upate thu âwih ṭhin turin a fuih a; "Nakin lawka ram leh hnam innghahna tur in ni a, mi puitling tak tak ni thei tur chuan taima taka lehkha zir a ṭul a ni," tiin, naupangte chu zirna ngai pawimawh hmasa fo turin a chah.
Children Carnival hi naupangte laka hlei lenna hrang hrang thleng ṭhinte vên a nih theihna tur tinzawna buatsaih a ni a, kum 2000 aṭangin hman ṭan a ni. Hawnna inkhawm chu Child Welfare Committee (CWC) chairman VL Chama Hnamte-in a kaihruai a, sorkar official-te leh naupang enkawl leh venhim kawnga thawktute an tel.
Carnival hi Champhai DC SL Naveen leh chief judicial magistrate Lalrochami Ralte te pawhin an hmanpui a; SL Naveen chuan, naupangte hmakhua ngaia an tana ennawm leh infiamna hun buatsaih a ni chu lawmawm a tih thu sawiin, naupangte chu an puala hun ṭha siam chu hlim leh nuam ti taka hmang turin duhsakna a hlân a ni.