Film Festival-a tel tur vailiam

Film siamtute leh film lama tui mi ṭhenkhat, Mizoram sorkar tirha 50th International Film Festival of India, Goa-a tel turte chu nimin khan Information & Public Relations director Lallianpuii'n a vailiam.

Film Festival-a tel turte chu - Lal­a­wmpuia Khiangte, Napolean RZ Thanga, Aldrin Zosangliana, Albert Zosangliana, Vanlalpeka Zote, V Lal­zamliani, KC Zoherliana, Lalzawna Pachuau leh Lalzidinga te an ni a; IPR department aṭangin IPRO Dr Saithan­tluangi Zote a tel bawk.

International Film Festival of India hi kum 1952-a buatsaih ṭan a ni a, sorkar laipuia Ministry of Information and Broadcasting leh Goa sorkar buatsaih a ni.