Sorkar sum hmang tel loin KṬP inkhawmpui thlen rél
Nakkuma Serchhipa KṬP General Conference neih tura Organising Committee chu nimin khan Serchhip Kawnpui Kohhran hall-ah an ṭhukhawm a, sorkar sum tel loa inkhawmpui thlen an rêl.
KṬP General Conference 2020 Organising Committee hian budget-ah cheng nuai 70 an ruahman a; a tira sum hmuhna tura an beisei chu kohhran thawhkhawm cheng nuai 50 leh sorkar aṭanga hmuh beisei cheng nuai 20 a ni.
Nimina meeting-ah hian, sorkar aṭanga sum hmuh tura beisei cheng nuai 20 chu remchan lohna a awm thu tarlan a ni a, 'Sorkar aṭangin sum hi beisei nawn tawh loh ni se,' an ti.
Inkhawmpui thlenna atana budget cheng nuai 70 an ruahman tawh chu nuai 60-ah an tihniam a, a hmaa kohhran thawhkhawm tura ruahman cheng nuai 50 chu, cheng nuai 10 dang belhin, a vaiin (nuai 60) inkhawmpui thleng tur pastor bial hrang hrangte thawhkhawm mai turin an rél a ni.