Mizoram sorkar hnathawkte HIV/AIDS chungchang inzirtir

Aizawl District AIDS Prevention and Control Committee hmalaknain tunlai hian Aizawla sor­kar pisa hrang hrangah HIV/AIDS Sensitization Campaign neih mek a ni a; sorkar hnathawkte chu HIV/AIDS-a Mizoram dinhmun leh a dona lamah ṭan a ngaihzia an zirtir ṭhin.

Nimin khan Higher & Technical Education department-a péng pakhat, Technical Wing pisaah HIV/AIDS Sensitization Programme neih a ni a; District AIDS Prevention and Control Unit-a district program manager Dr R Zonunmawii'n kai­hruaiin, sensitization campaign buatsaih a nih chhan leh campaign an kalpui dan tlangpui a sawi.

District AIDS Prevention and Control Unit-a district assistant Dominic Vanlalfala'n HIV/AIDS chungchanga Mizoram dinhmun leh hriat tur pawimawh hrang hrang a sawifiah a; sorkar hnathawkte chu HIV/AIDS lakah fihlim ngei tur leh, an theihna hmun apianga fimkhur tura mi dangte zirtir ve tur leh a kai theih dante sawi uar turin a sáwm.

HIV/AIDS Sensitization Campaign-ah hian sawihona leh zawhna leh chhanna hun hman a ni bawk.