Map thar siam tum lo

Land Revenue & Settlement (LRS) minister Lalruatkima chuan nimin khan independent MLA C Lalsawivunga zawhna chhangin, Bengal Eastern Frontier Regulation (BERF) 1875 tlawhchhana map thar siam tum a nih loh thu House a hrilh.

C Lalsawivunga chuan, July 8, 2019-a Cabinet meeting-in BERF, 1875 chu Mizo­ram ramri atan a pawm tawh thu sawiin, Mizo­ram sorkarin 1875 tlawhchhanin official map siam a tum leh tum loh a zawt a; LRS Minister chuan, tun dinhmunah 1875 tlawhchhana official map siam tumna a awm rih loh thuin a chháng a ni.