Samagra hnuaia thawkte An châwl chhunzawm zel

Federation of Mizo­ram Samagra Employees (FEMSE) chuan Mizoram sorkara dilna (proposal) an thlen chungchangah sorkar aṭanga ngaihsakna leh thu lawmawm an la hriat loh avangin nimin khan mass casual leave an lâk chhunzawm.

FEMSE thuchhuah tarlan danin, Samagra employee-te'n mass casual leave an lak hi an ṭan ni, Ningani-ah aiin nimin khan an mem­ber-te'n an thláwp ṭha lehzual a, sikul 630 vel khâr a nih bakah, Samagra hnuaia office hrang hrang - Aizawla an pisa pui ber State Project Office, district office hrang hrang leh BRC-a thawktute an kal lo.

Sorkar aṭanga thu lawmawm an la hriat loh avangin FEMSE chuan an ruahman lâwk angin November 25, Thawhṭanni pawh khian mass casual leave lak chhun­zawm an tum a ni.