Chief Minister-in NH 44-A a enfiah

Chief minister Zoramthanga chuan nimin khan National Highway (NH) 44-A kawngpui siam meka Mamit leh Tuidam inkara harsatna awmte a hmunah a enfiah.

CM Zoramthanga chuan, kawng an enfiah ber chu Dárlâk pelha kawng pèn ṭanna aṭanga Tuidam thlen hma thlengin kawng laih zauh zawh tawh a nih thu a sawi a, "He lai hmun hi a min duh em em a, fûr liam taahte khan a min vak a ni. A min reng a hlauhawm avangin kawng dang zawn mai a ṭha lo maw tiin a hmun ngeiah kan enfiah a ni," a ti.

Leimin ṭhin dan a harsat tur thu sawiin Zoramthanga chuan, "Kawng thar reh dawn chuan a harsa a, pawisa sên a tam dawn bakah, hun a duh dawn. Engineer-te leh hna thawktute nen kan enfiah hnuah a chhe lai a thui lo bawk a, kawng thar rek lo turin thutlukna kan siam a ni. Pawisa táng nawr chhuah a nih veleh leimin tihfai leh a ni ang," a ti a; leimin vèn dan tur chu project hrana siam a nih tur thu a sawi.

Chief Minister hi Mamit bialtu MLA H Lalzirliana, PWD engi­neer-in-chief Henry Lalmuankima, Mamit DC leh SP bakah official dangte'n an ṭawiawm a ni.