COVID-19: Mizoram dinhmun Hripui vei mi 5 hmuh belh
January 19, Thawhlehni khan Mizoramah Covid-19 vei mi panga hmuh chhuah a ni a, an zingah natna (Covid-19 symptom) lang mi pakhat leh Mizoram chhunga kái mi pahnih an awm. Nimin khan hripui laka fihlîm tawh mi 10 chhuahtir an ni thung.
Covid-19 vei Thawhlehnia hmuh thar pangate chu mipa pathum leh hmeichhia pahnih an ni a; ZMC laboratory-ah leh TrueNAT-PCR hmangin mi pakhat ve ve hmuh chhuah niin, Rapid Antigen Test (RAT) hmangin mi pathum hmuh chhuah a ni.
Covid-19 laka fihlîm tawh mi 10 chu nimin khan enkawlna hmun aṭangin chhuahtir an ni a; SRH-ZMC aṭangin mi pahnih, ITI CCC aṭangin pali, Tribal Art Centre CCC aṭangin pathum leh Kolasib SIRD CCC aṭangin pakhat an chhuak a ni.
Mizorama Covid-19 vei hmuh chhuah tawh chu mi 4,334 an ni a, mipa 3,175 leh hmeichhia 1,159 an ni. Nimin tlai dar 5 thleng khan mi 4,268 (98.48%) chhuahtir an ni tawh a, mi pakua (0.21%) thi tawhin, enkawl mek mi 57 (1.31%) an awm.
January 19, Thawhlehni khan Mizoramah swab sample 1,119 endik a ni a, ZMC laboratory-ah sample 254, TrueNAT-PCR hmangin district pariatah sample 121 leh RAT hmangin district 11-ah sample 744 endik a ni. Covid-19 positive hmuh chhuah mi panga chu sample endik zat aṭangin 0.45% a ni.
Sorkar thuchhuah tarlan danin, ZMC laboratory-a RT-PCR hmang leh TrueNAT-PCR hmanga Covid-19 positive hmuh chhuah mi pakhat ve ve chu mipa, state páwn aṭanga tun hnaia haw ve ve an ni a; Covid-19 symptom nei lo ve ve an ni bawk.
RAT hmanga hmuh chhuah mi pathumte chu mipa pakhat leh hmeichhia pahnih an ni a, Aizawla hmuh pahnih leh Siahaa hmuh chhuah pahnih an ni. An zinga pahnih chu tualchhunga hri kái an nih bakah, an kàina hriat a ni lo a, pakhat zawkin symptom a nei. Mi pakhat dang chu tun hnaia state páwn aṭanga haw a ni thung.
January 19, 2021 thlenga Mizoramah swab sample endik tawh zat chu 1,95,535 a ni a, chu'ng aṭanga Covid-19 positive mi 4,334 chu 2.22% a ni. Hripui vei hmuh tawh zinga mi 2,048 chu Mizoram chhunga kái an ni a, mi 2,286 chu Mizoram páwn aṭanga an rawn luh hnua hmuh chhuah an ni.
ZMC-a hmuh chhuah:
Tuikhuahtlang - 1 - Mipa kum 62, tun hnaia Kolkata aṭanga lo haw, Hotel Landmark, Bawngkawna inkhung hrang lai, symptom nei lo.
TrueNAT-PCR-a hmuh:
Lunglei Electric Veng - 1: Mipa kum 20, Karimganj, Assam aṭanga tun hnaia haw, quarantine facility-a awm mek, symptom nei lo.
RAT hmanga hmuhte:
Tuithiang, Aizawl - 1: Hmeichhia kum 7, dam loh vanga private hospital-a inentir tura kal, screening point-a endik; hri kàina hriat loh, symptom nei.
Chaltlang - 1: Mipa kum 28, Kolkata aṭanga tun hnaia haw, Lengpui Airport screening-a hmuh chhuah, symptom nei lo.
Siaha New Colony - 1: Hmeichhia kum 17, zirlai, hostel luh dáwn vanga endik, hri kàina hriat loh, symptom nei lo.