Arva chungchanga khuahkhirhna

Animal Husbandry and Veterinary (AH&Vety) department chuan thuchhuah siamin, Avian Influenza (bird flu) Mizorama a lo luh lohna tura invèn nan ár, ár notê, artui leh ar chaw chi hrang hrangte chu AH&Vety department hriatpuina leh phalna nei tan chauh state pawn aṭangin lâk luh theih a nih thu an tarlang.

AH&Vety department tarlan danin, India rama state 10-ah bird flu a léng mek a, ar leh sava tam tak an thih phah tawh. Europe-ah pawh ram 10-ah a léng a, tun hnaiah South Korea leh Japan-ah a léng tih finfiah a ni.

Bird flu chu khawvel pumah a darh zel a hlauhawm avangin, Mizoramah a luh loh nan ár, ár notê, artui leh ar chaw chi hrang hrangte chu AH&Vety department hriatpuina leh phalna nei tan chauh state páwn aṭangin lâk luh theih a nih thu an puang a ni.