MLA-in a bial chhung hnathawh enfiah

21st January, 2021

Aizawl North-III bialtu MLA C Lalmuanpuia chuan nimin khan a bial chhung, Electric Venga UDPA department hnuaia hna thawh mekte a hmunah a en.

C Lalmuanpuia hian Electric Veng mawng lama UDPA-in cheng nuai 60 senga 'Hebron Kawrpui' siam hna an thawh mek a enfiah a; 'Herbron Kawrpui' siam nan hian Disaster Management & Rehabilitation minister Lalchamliana'n cheng nuai 30 séngin hna bul a lo ṭan tawh thu a sawi.

MLA hian Electric Veng mi, Mizoram Youth Commission-in senso a tumsak tura Delhi-a IAS coaching kal tura tling mi pahnih - Lalthlamuana Sailo leh J Lalchhandami te hnenah laptop a hlân nghal a ni.