Rajya Sabha MP-in NIT a tlawh

Rajya Sabha MP K Vanlalvena chuan nimin khan Chaltlanga National Institute of Technology (NIT) Mizoram office a tlawh a, NIT director Prof. Rajat Gupta leh registrar Dr Lalthanchami Sailo-te nen an inkâwm.

Dr Lalthanchami Sailo chuan, NIT, Mizoram mamawh hmasa chu Lengpuia permanent campus din fel thuai a nih thu sawiin, "Chief Minister leh sorkar hotute'n theihtawp min chhuahpui chungin forest clearance tihfel a la ni lo," a ti a; financial year kal mek chhung ngeiin an harsatna chinfelsak turin MP a ngen.

Rajya Sabha MP hi NIT-a head of department-te pawhin an kâwm a, an harsatna tawh leh hmachhawpte an hrilh a ni.

K Vanlalvena chuan, "NIT, Mizoram hi Mizoram rohlu a nih avangin dinhmun chhe taka a awm a rem lo. MP ka nihna angin harsatna a tawhte sutkiansak ṭhin turin sorkar laipuiah theihtawpin hma ka la dawn a ni," a ti.