Indo-Bangla ramri hung hna zawh hun tur hriat a ni lo

India leh Bangladesh inrinaa ramri hung hna chu March 31, 2019-ah zawh tura tih ni mah se, thawh zawh a la ni lo a; thawh zawh theih hun tur hriat a la ni lo.

Home department-in zawhna an chhan danin, Ministry of Home Affairs (MHA) ruahman ang chuan Indo-Bangla border hung hna chu kum 2012-13 ah zawh tur a ni. Chhan hrang hrang vangin hna chu hun tiamah zawh a ni lo a, March 31, 2019-ah zawh tura pawhsei leh ni mah se, tun thlengin zawh a la ni lo. MHA lamin hna thawh zawh hun tur an pawhsei leh rin a ni.

Ramri hungna páwn lama awmte Court-ah an zualko a; hetih lai hian MHA chuan, ramri hungin a tihbuai chhungkuate lâk lêt emaw, chhawmdawlna pe turin emaw ruahmanna siam a nei lo.