KHAWTHLIR

Mizoram sorkar chuan kumin sorkar kum chhung, April 25, 2019 aṭanga September 5 thlengin state lottery aṭangin cheng nuai 321 a hmu tawh. Hemi hun chhung hian lottery draw 1,442 neih a ni.

National Institute of Educational Planning and Administration leh Samagra Shiksha chuan nimin khan Hotel Regency-ah 'Functioning of local authority and autonomous district councils under Sixth Schedule of the Constitution in management of elementary education in North Eastern States' hmangin workshop an buatsaih a, School Education director Lalzarmawii'n a hawng. Workshop hi ni nga awh tur a ni a, India hmar-chhaka district council nei state aṭangin education officer 25 an tel a ni.

Minister Dr R Lalthangliana chuan Nov-ember 25, Pathianni tlai khan TNT, Zuangtui a tlawh a, ṭanpuina sum a hlan. TNT, Zuangtuiah hian mi 1,855 an awm mek a, TNT awmna dang - Kolasib-ah mi 227, Lungleiah mi 270 leh Champhaiah mi 353, Tahan, My anmar-ah mi 320 an awm bawk.

MPC party ṭhalaite chuan thuchhuah siamin, Federation of Mizoram Samagra Employees (FEMSE)-te'n hlawh leh service chung-changah an nih tur ang an nih phak loh vanga lungawi lohna lantir a, mass casual leave an la chu àwm an tih thu an tarlang a, "Muthlu ben harh ngai Chief Minister leh Education Minister kan nei ṭhin hi a vanduaithlak kan ti tak zet," an ti. MPCY chuan, sorkarin a hnathawkte 'No work, no pay' tia a vau nghal chu an dem thu sawiin, FEMSE thil phut chu a rang lama bawhzuisak turin sorkar an phût a ni.

North Eastern Council (NEC) chuan Varanasi-ah November 23-26, 2019 chhung awh tur Destination North East (DNE) an buatsaih a, DoNER minister Jitendra Singh khuallian a ni. DNE-ah hian Chief Minister aiawhin minister of state TJ Lalnuntluanga a tel a, thu a sawi. DoNER Minister, DoNER Secretary leh NEC adviser-te a kawm bakah, Varanasi-a Mizo Welfare leh Mizo missionary-te a tlawh bawk.