Mizoram sorkarin kawlphetha 2,411 MW Siam turin company-te inremna a ziahpui

Mizoram sorkar chuan Mizorama lui pakuaah hydro electric power project siam turin company-te inremna (agreement) a ziahpui. Chu'ng lui pakuaah hydel project siam a nih a, ruahman anga kawlphetha siam chhuah theih a nih chuan megawatt 2,411 siam chhuah theihna tur a ni.

Sorkarin inremna a ziahpui tam ber chu NEEPCO an ni a, Mizorama lui pali-ah hydel project siam turin agreement ziahpui an ni. Agreement ziah anga kawlphetha siam chhuah theih a nih chuan, Lungréng aṭanga siam chhuah theih a tam ber dawn a, megawatt 815 siam chhuah theih tura ngaih a ni.