Sorkar ukil tan refresher course buatsaih

Law & Judicial depart­ment chuan nimin khan Aijal Club-ah sorkar ukilte tan refresher course training an buatsaih a, Law & Judicial minister TJ Lalnuntluanga'n a hawng. Training hi vawiinah chhun­zawm a ni ang.

TJ Lalnuntluanga chuan, Mizoramah Judi­ciary-in hma a sawnna tur thil tam tak Gauhati High Court Chief Justice nen an sawi dun tawh thu a sawi a; sorkar ukilte'n an hnathawhna kawngah thiamna an neih belh theih nan intuaihriamna a pawimawh tih sawiin, "He training hi sorkarin a buatsaih ta a ni," a ti.

Law & Judicial Minis­ter chuan, Mizorama ukil­te a chhuan thu sawi­in, "Kaihhruaina ṭha hnuaia an intuaihriam ṭhin chuan India ram pum huap pawha ukil ṭha ber ber an ni thei ngei ang," a ti a, sorkar ukilte chu sorkar tana ding an nih angin sorkar department tinte'n an mamawhna apianga an dawr theih nan pisa kai hun chhung ngai pawimawh turin a chah a; dan rorelna dik a chhuah theihna atan Court rorelna puihna kawngah Mizoramin hmasawnna tam tak a neih tawh thu a sawi bawk.

Training hawnnaah hian Law & Judicial secretary Marli Vankung pawhin thu a sawi a; resource person-te chu - Assam Judicial Aca­demy-a faculty pahnih SP Moitra leh Roshan Lal-te an ni. Training-ah hian district pariat aṭanga sorkar ukilte an tel a ni.