Youth Empowerment Summit buatsaih

Mizoram State Child Protection Society leh Eternity Partneship LLP-te chuan nimin khan Chanmari YMA Hall-ah Youth Empowerment Summit 2019 (YES) an buatsaih a, Social Welfare secretary Zoramthangi Hauhnar-in a hawng. YES 2019-ah hian thupui chu 'What’s next' tih a ni a, vawiinah chhunzawm a ni ang.

Zoramthangi Hauhnar chuan, YES chu kum 2017 aṭangin thupui hrang hrang neiin kum tin hman a nih thu sawiin, "Summit hian a tum ber chu, zirlaite an zirna tur kawng kawhhmuh leh eizawnna tur kawng bik neia kaihhruai a ni. Sorkar hna hrang hrang inkawhhmuhna bakah, zirlaite an kutkêa ding thei tura infuihna leh inchochhuahna hun a ni," a ti. 

Summit hi session hrang hrangah ṭhen a ni a, mithiamte'n thu sawiin, zirlaite nen sawihona hun an hmang ṭhin. Session hrang hrangah naupangte hnenah zawhna siam a ni a, chháng ṭhate hnenah lawmman pek ṭhin a ni.