KṬP conference pandal sa ṭan

Nakkuma Serchhipa KṬP General Conference neihna atan nimin khan Leisekawt Field-ah pandal sak ṭan a ni.

Nimina pandal sak ṭannaah hian conference thlengtu Serchhip khawpui chhunga pastor bial pathumte an hnatlang a, mi 170 vel an thawk chhuak. Pandal sak hna ṭan hmain Serchhip bialtu pastor Rev. H Lalawmpuia'n ṭawngṭaiin a hlan.

KṬP General Conference pandal sak nan Synod pandal structure thar hman a ni a, a vâng ft. 165 leh a dung ft. 252.7-a liana sak tur niin, pandal chhungah mi 10,000 vel ṭhu thei tura ngaih a ni. Pandal sak hna hi Serchhipa pastor bial pathumte'n a inchhâwkin an thawk ṭhin ang.