SDG Innovative Challenge buatsaih

Planning & Programme Implementation department leh Entrepreneurship Development Centre (EDC) chuan nimin khan Lunglei College-ah leh Serchhip College-ah 'Innovative challenge on Business Solution to Sustainable Development Goals' (SDG) an buatsaih a; SDG chungchang inzirtirna leh inelna buatsaih a ni.

Serchhip College-a hun an hman hi adviser to CM C Lalramzauva'n a hmanpui a, Serchhip College principal Lalremsiama'n a kaihruai. Sustainable Development Goals-a chief consultant Lalchhuanawma Hrahsel-in SDG chungchang a sawi.

Lunglei College-a hun hman chu Planning department-a joint secretary Dr Lalrinchhana'n a hawng a; thu sawiin, "Innovative Challenge-in a tum ber chu, ram hmasawnna lam vei tura ṭhalaite rilru a ṭha zawnga kaihhruai leh mahni kutkawih ngeia ding chhuak thei tura fuih a ni," a ti a; khawtlang harsatna sutkianna tur leh ram hmasawnna tura sumdawnna kawnga hmalakna thar nei thei tura bei turin zirlaite a fuih.

Innovative Challenge-ah hian nimin khan SDG hnuaia goal 17 awm chhunga harsatnate behchhanin inelna buatsaih a ni a, team ti ṭha berin Rs. 30,000, pahnihnain Rs. 20,000 leh pathumnain Rs. 10,000 an dawng 

dawn a ni.