SP hoin Krismas vuakveta Lunglei himna tur sawiho

Lunglei SP C Lalthan-mawia hoin nimin khan Krismas leh kumthar vuakvêta Lunglei khawpui himna leh mipui ralmuanna tur chungchang sawihona, SP pisa conference hall-ah buatsaih a ni a; Lunglei khawpui veng hrang hranga V/C, VDP, MUP, YMA leh chanchinbumite an tel.

C Lalthanmawia chuan, khawtlang hruaitute leh tlawmngai pawlte thawhpuina leh puihna tel lo chuan police tan hlawhtling taka hmalak a harsa ṭhin a, khawtlang mipuite nen ṭangho a hmalakin venhimna chungchangah nasa taka a puih ṭhin thu a sawi.

Inkawmnaah hian hâlpuah leh a kaihhnawih thilte khauh zawka khap hneh theih dan tur te, misual buaina siam tur vên chungchanga ruahmanna te, kohhran kaltlanga khawtlang venhimna hna thawh dan turte sawiho a ni a; lirthei chetsualna laka mipui an him zawk theih dan turte an sawiho bawk.