Lawngtlaiah career guidance buatsaih

Officers' Club Lawng­tlai (OCL) chuan No­vember 21, 26 & 27 khan Lawngtlaia Region Higher Secondary School leh high school pathum - Region H/S, Downtown English School leh ML Junior English School-ah zirlaite tan hma lam hun inkawhhmuhna, career guidance an buatsaih. 

Career guidance hi OCL president leh Lawng­tlai additional DC B Lalchhawntluanga leh senior vice president R Lalbiakthanga, Lawngtlai DSO ten an kaihruai a; resource person-te'n zirlaite hnenah an hma lam huna pawimawh tur thilte an hrilh a ni.

Officers' Club hi, Lawng­tlai chhunga central leh state sorkar hnuaia thawk officer-te'n anmahni hna pangngai piah lama ram leh khawtlang tana rawngbawlna zau zawk an neih theih nana an intel khawmna niin, September, 2017 khan din thar leh a ni. Sum thawh khawmin Krismas vuakvetah mi harsate leh ṭanpui ngaite an ṭanpui ṭhin bakah, zirlaite tan career guidance programme-te an buatsaih ṭhin a ni.