Siaha DC-in MMU van a vailiam

Siaha DC Bhupesh Chaudhary chuan nimin khan DC conference hall kawt aṭangin mobile medical unit (MMU)-in Zero khuaa a thlawna inentirna an buatsaih tur a vailiam. MMU hi Gas Authority of India Limited (GAIL) corporate social responsibility (CSR) aṭanga Wock­hardt Foundation kaltlanga Siaha district-in a dawn a ni.

Bhupesh Chaudhary chuan, GAIL leh Wockhardt-te'n an hnathawhna hmun pawh ni lo, Siaha district tana cheng nuai 35 man MMU motor leh cheng nuai 20 man smart classroom 12 an pe chu lawmawm a tih thu a sawi a; public sector unit liante hnena CSR fund an dil dangte a hlawhtlin chuan Siaha district-in cheng nuai 400 chuang an dawn a beisei thu a sawi bawk.

MMU van-ah hian damdawi leh oxygen te, malaria, typhoid, haemo­globin leh thil dang test kit (hmanrua) te a awm a ni.