Amit Shah-in CAB sawiho turin NGO leh political party-te a ko

Union Home minister Amit Shah chuan, Mizorama tlawmngai pawl hrang hrang leh political party hruaitute chu Citizenship Amendment Bill (CAB) chungchang sawipui turin Delhi-ah a ko.

Ruahmanna hmasa ang chuan Amit Shah-a ho hian CAB hi vawiinah sawiho tur a ni a, mahse, nimin zingah political party leh NGO-te'n sàwmna an dawn chauh avangin a hun sawn turin an ngen a, hei vang hian CAB chungchang hi naktukah an sawiho rin a ni. Political party ṭhenkhat aiawhte chuan Delhi an pan hman thung.

Political party hrang hrangte chuan aiawh intirh an tum a, vawiin hian nimina kal hman lote chu an kal ang. NGO aṭangin Central YMA President, MZP President leh MSU President-te chuan vawiin hian Delhi pan an tum a ni.