Nausen natna enkawl dan zir

Indian Academy of Pediatrics (IAP), Mizoram State Branch chuan nausen bik tana natna hrik laka inven dan ṭha lehzual zirna Hotel Floria-ah an buatsaih.

He programme hi Central IAP President Action Plan 2019-2020 anga kalpui a ni a, Delhi leh Bengaluru aṭangin resource person Dr Kailash Tamaria leh Dr Shivprakash Sosale te an lokal a ni. He hunah hian naupang doctor-te leh damdawi-in hrang hranga NICU leh SNCU-a nurse duty-te an tel.

Inkhawma tarlan a nih danin, nausente hi natna an tuar chak loh avangin an damlo awl bik a ni. Tihdan ṭha zawk hmuh chhuah belh zel a ni a, hengte hi zawm a nih chuan Mizoramah infant mortality rate a hniam reng thei a beisei awm.