Hâlpuah leh hâlmawi zuar mi pariat thubuai siamsak

Aizawl district police-te chuan Krismas leh kumthar hman zawh tak vuakvetah hâlpuah leh hâlmawi zuar mi pariat thubuai an siamsak a, halpuah leh halmawi hâltu erawh man an nei lo.

Aizawl SP C Lalruaia hnen aṭanga Vanglaini thu dawn danin, hâlmawi leh hâlpuah kaihhnawiha mi pariat an mante chu bailable theih an nih avangin bail-a chhuah leh nghal vek an ni a, an hâlpuah/hâlmawi erawh laksak an ni. Mi pariatte chu thubuai siamsak an ni a, Court-in a hrem dan turah thutlukna a la siam lo.

Hâlpuah leh hâlmawite chu Cr.PC 144 hmanga khap a ni a, mante chu IPC 188 hmanga thubuai siamsak an ni. IPC 188 hnuaia thubuai neite chu court thutlukna azirin pawisa chawitir emaw, jail tàntir emawa hrem theih a ni.