Cabinet-in sorkar hnathawk property return thehlut lote hlawh hrensak a rel

Cabinet meeting chuan Vigilance department aṭanga agenda lut 'Withholding of Pay of Government servants who fail to submit Annual Statement of Immovable Property Returns' tih chu an sawiho hnuah an pawm a ni. Group B (Non Gazetted) chin sorkar hna lakna buaipuitu tur Mizoram Subordinate Service Selection Board (MSSSB) dinna tur Mizoram Subordinate Service Selection Board (Recruitment and Condition of Service) Rules, 2019 pawh Cabinet chuan a pawm a, upa pension, rualbanlo chhawmdawlna leh hmeithaite ṭanpuina atana state sorkarin a tum ve tur pawh Cabinet chuan an pawm a ni.

He thuziah lai thleng hian agenda 19 ngaihtuah tawh a ni a, chung zinga 15 chu agenda luh dan anga pawm a ni a, pakhat chu tlem tihdanglam a nih hnuah pawm niin, pahnih chu hun danga ngaihtuah leh tura dah a ni. Christmas laia Aizawla Mega Festival buatsaih chungchang chu Mizoram Kohhran Hruaitute Committee-te nena sawiho leh turin an dah.

Cabinet-in hun danga ngaihtuah leh tura a dah chu The Mizoram Municipalities Amendment Bill, 2019 leh Mizoram Public Procurement Rules, 2019 a ni. Tlem an tihdanglam hnua an pawm chu District Rural Development Agency (DRDA), 2019 hnuaia thawk mi 91 te tana special scheme siam chungchang a ni.

•    Sorkar hnathawk Annual Statement of Immovable Property Returns thehlut lo te hlawh hrensak 

•    Zuangtuia department ram ṭheh / lak chhuah 

•    National Social Assistance Programme (NSAP) hnuaia pension scheme-a state sum thawh tihpun rawtna

•    Directorate of Women & Child Development, Siaha hnuaia Dy. Director post pakhat chu District Programme officer (DPO) tia thlak loa a ngai anga la hman. Mizoram State Social Welfare Board (MSSWB) chu Women & Child Development hnuaia dah. 

•    Scheduled Tribes & Other Traditional Forest Dwellers (Recognition of Forest Rights) Act, 2006 sut theih tura rawtna

•     Mizoram Municipal Common Cadre Service Rules 2019 leh Mizoram Municipal Subordinate Service Rules, 2019 tur duan chhinna siam

•     Mizoram Subordinate Service Selection Board (Recruitment and Condition of Service) Rules, 2019 tur duan chhinna siam

•    The Mizoram Ex-servicement (re-employment in civil posts) Rules, 2019

•     Mizoram Public Service Commission (Condition of Service) Regulation, 2019  tur duan chhinna siam

•    The Mizoram Wood Based Industries (Establishment & Regulation) Rules, 2019

•    The Mizoram State Food Commission (Procedure for Appointment of Chairperson, Members and Staff and the Condition of Service) Rules, 2019

•    The Mizoram Fisheries Conservation Rewards Scheme, 2019

•    Mizoram Fisheries Rules, 2019 tur ruahmanna siam

•    The Mizoram Protection of Interests of Depositors (in Financial Establishment) Bill, 2019

•    The Mizoram Colleges (Provincialisation) (Amendment) Rules, 2019

•    Rashtriya Uchchatar Shiksha Abhiyan (RUSA) hnuaia Assistant Professor 72 lak chungchang ngaihtuah ṭhat tura rawtna

•    Govt. Zirtiri Residential Science College a Assistant Professor (Contract) post pahnih lakna tura Eligibility condition Para 3.3.1 of UGC . Regulations, 2010 a ngaihhnathiamna chungchang

•    Luangmual, Government Complex a sorkar ram rem fel chungchanga June 4 & 12, 2018 a Cabinet Meeting-in Agenda no.44 na a thutlukna a siam enawn tura rawtna