Pick-up chesualah mi 2 thi

Nimin chawhnu dar 3 vel khan Tarpho khaw dái­ah pick-up motor MZ-01 L-3899 chu a chesual a, mi pahnih - Hmingthanmawii (52) w/o Biakkunga leh Tlang­­thanmawii (43) w/o K Lalnuntluanga, Thingsai khua ve ve an thi a, mi 11 an hliam.

Thu dawn danin, H Zah­awma motor hi Thingsai aṭang­in Hnahthiala mo thlah tura kal a ni a, Lalchhuansanga khalh a ni. Mitthi pakhat zawk Tlangthanmawii hi pasal nei tur Hadasy K Laldingliani nu a ni a, Hadasy-i nuṭâ (a nau) Rosangzuala a hliam nat deuh bakah, a pa K Lalnuntluanga pawh hliam na deuh zingah a tel. Motor-ah hian mi 15 vel an chuang a, mi 11 hliamte chu puitling deuh vek an ni a, kumtling lo, tleirawl pakhat a tel a ni.