GAC-in Fana Ni an hmang

Govt. Aizawl College chuan kum­ina Faina Hapta (Cleanliness Week) lo thleng tur pualin nimin khan Faina Ni (Cleanliness Day) an hmang a, an college chhung leh a chhehvel tifaiin niléngin an hnatlang. Zirlaite leh college-a thawk ṭhahnem tak an tel a ni.

Faina Ni hawnna inkhawm, college tuala neihah principal Prof. C Sangluaii chuan, college zirlaite zingah faina leh thianghlimna nunpuitute chu kawng dangah pawh mi hlawhtling an ni ṭhin tih a sawi a, "Mahni college leh a chheh­vel vawn fai tumna rilru pu pha lo tan hlawhtlinna pawh ûm phâk a harsain a rinawm," a ti. Tunlaiin college zirlaite chu awm dan mawi leh nun dan ṭha hriat leh zawm kawngah an hniam tial tiala a hriat thu sawiin, "GAC zirlaite chu zirlai dangte aia danglam bik an ni tur a ni a, awm dan mawi leh nun dan ṭha hi faina nen thui tak a inzawm tlat a ni," a ti.