AMWF-in pawi khawihtu an dem

All Mizoram Wo­men Federation (AMWF) chuan thuchhuah siamin, September 20, 2019-a Siaha district-a hmeichhe pakhat tihbawrhbân leh a saruak thlalak (video) thehdarh a ni chu an lainat tak zet thu leh, a chunga pawi khawihtu an dem thu an tarlang.

AMWF chuan, "Hetiang taka kan hmeichhiat­pui Lainatawmi (hming lem an phuah) hrâi rûi a, pawngsual a, deusawh taka sawisa a, Siaha khaw dáia zan thim hnuaia ṭanpuitu nei miah loa kalsantu leh timualpho zuitu Lalhmingthanga s/o Thatchia (L), Tialdawngilung, Lawngtlai district hi kan dem a, a phu tâwk hremna pek ngei ni se kan ti," an ti. AMWF-a tel pawl dang - Mara Chano Py (MChP) leh Lai Women Association (LWA) ten thil thleng chungchanga hma an lakna chu an thlàwp tlat thu an tarlang bawk.