CYMA-in pawndum nen hmun 5-ah Amit Shah an hmuak dawn

Joint NGO Coordination Committee chuan October 5, 2019 (Inrinni)-a Union Home minister Amit Shah, BJP president ni bawk lo zin huna lungawi lohna lantirna atana pawndum nen hmuah an lo rêl tawh chu an kaltlangpui dawn. Central YMA chuan October 1, Thawhlehni zan khan Amit Shah lo hmuah dan tur kimchang an rêl.

Central YMA general secretary Lalhmachhuana hnen aṭanga Vanglaini thu dawn danin, CYMA chuan Aizawl khawpuia YMA branch-te chu hmun ngáah ṭhenin, Aizawl khawpui chhung hmun ngaa pawndum nena Amit Shah lo hmuah dan tur an tifel a ni. Amit Shah an lo hmuahna hmun turte chu - Ṭhuampui, Bawngkawn, Chanmari, Zarkawt leh Treasury Square-te a ni.

Vanglaini palai zawhna chhangin Joint NGO-a tel MZP president L Ramdinliana Renthlei chuan, Amit Shah chu pawndum nena lo hmuak turin college hrang hranga zirlaite an ngen dawn thu a sawi. Joint NGO chuan Amit Shah hmuak tur hian pawl hrang hrangte chu anmahni remchan dan anga ruahmanna siam turin thu an dah a, pawl hrang hrangte chuan hma an la a ni. Jt. NGO-ah hian YMA, MUP, MHIP, MZP leh MSU-te an tel. Tarlan tawh angin, NEDA chairman Himanta Biswa Sharma chuan Amit Shah chu Citizenship Amendment Bill (CAB) chungchang sawi turin Mizoramah a rawn kal dawn tih a sawi.

Thuampui

Bawngkawn

Chanmari

Zarkawt

Treasury Square