Mizoram pumah clinic license nung nei mi 168 an awm

Mizoram pumah October 2019 thleng khan Clinical Establishments Act, 2010 (CEA) -in a phût anga clinic license nung nei 168 an awm. Clinic license nei hi Aizawl district-ah tam berin, clinic 95 an awm a, Mamit district-ah an awm lo thung.

Hospital and Medical Education department Joint Director hnen aṭanga thu dawn danin, October 2019 thleng khan Mizoramah Clinical Establishments Act, 2010 (CEA) -in a phût anga clinic license nei 168 an awm a; chu'ngte chu - Aizawl district-ah 95, Lunglei district-ah 16, Serchhip district-ah pali, Champhai district-ah 17, Kolasib district-ah 15, Lawngtlai district-ah 11 leh Siaha district-ah 10 a ni.

Hetih lai hian, clinic khâr vanga license tihtawp pakhat a awm bawk.

Health department hotute sawi danin, clinic din tur hian registration tih hmasak a ngai a, registration ti tur chuan CEA 2010-in a phût ang medical qualification, hmanrua leh thawktu neih a ngai. Dan loa clinic din leh dan bawhchhiate chu hrem theih an ni a, a ṭul dan azirin District Registering Authority (DRA)-in clinic registration a tihtawpsak thei a ni.