Rs. 2,000 note lem 906 man

Thenzawl police leh 8th battalion Assam Rifles-te chuan October 2, Nilaini zan khan Thenzawl daiah Rs. 2,000 note lem 906 an man a, a tak ni se Rs. 18,12,000 ni thei tur a ni.

Thu dawn danin, police leh Serchhipa awm AR sipaite chuan an thu dawn bawhzuiin, Nilaini tlai aṭang khan Thenzawl dáiah pawisa note lem phur motor an lo châng a, thimhlimah Aizawl aṭanga taxi tlan pakhat aṭangin Rs. 2,000 note lem 906 an man ta a ni. Pawisa lem neitu nia rinhlelh mipa pakhat chu Thenzawl Police Station-ah hruai a ni a, chhui zui mek a ni.

Pawisa kengtu leh a neitu nia rinhlelh chuan, pawisa lem chu a pekna tur nen phone hmanga inbiain, Thenzawl dáiah rangkachak nena inthleng turin an inbia niin police-te a hrilh.