Children's Science Congress buatsaih a ni

Samagra Shiksha, Mizoram (SSM) leh Science Teachers' Association of Mizoram (STAM)-te chuan October 3-4, 2019 chhung khan SCERT Auditorium-ah state level Children's Science Congress vawi 27-na an buatsaih a; Ningania a hawnna inkhawm chu SCERT director Laldawng­liani Chawngthu-in a hmanpui a, nimina a khârna inkhawm chu School Education director Lalzarmawii'n a hmanpui.

Tun ṭum Children's Science Congress-a thupui chu 'Science, Technology and Innovation for a Clean, Green and Healthy Nation' tih a ni a, district level-a ti ṭhate an intihsiak a ni. District pasarih aṭangin project 30 a lut a, Aizawl district aṭangin project 14, Lunglei district aṭangin project panga, Champhai district aṭangin project pali, Serchhip, Kolasib leh Mamit district aṭangin project pahnih ṭheuh leh Lawngtlai district aṭangin project pakhat a lut.

Children's Science Congress-a telte chu category pahnih - junior leh senior-ah ṭhen an ni a, junior-ah project 10 leh senior-ah project 20 a awm. Nimina a khârna inkhawmah result puanna leh lawmman semna hun hman a ni.

December 27-31, 2019 chhunga Thiruvananthapuram, Kerala-a National Children's Science Congress-a tel turin a ti ṭhate zinga mi pariat thlan an ni a, January 3-7, 2020 chhunga Bangalore, Karnataka-a 107th Indian Science Congress-a tel turin a ti ṭhate zinga mi pahnih thlan an ni bawk.

Children's Science Congress hi sorkar laipuia Department of Science & Technology hnuaia National Council for Science & Technology Communication (NCSTC) bultumin kum 1993 aṭangin kum tin buatsaih a ni ṭhin a, district level, state level leh national level-ahte inelna buatsaih ṭhin a ni.

1.    Lalhruaitluanga, St. Paul's HSS, Aizawl

2.    F Ramnghakmawii, St. Peter's HSS, Serchhip

3.    Melody Varnunsangi, Chaltlang HSS, Aizawl

4.    Laldinmawia, Mamit H/S, Mamit

5.    Lydia Lalchhanhimi, Kolasib H/S, Kolasib

6.    Mikael Lalramzauva, Leitlangpui H/S, Lunglei

7.    Chingsianmawii, Champhai Vengthlang M/S

8.    Lalhruaikimi, Rosebud School, Aizawl

1.    R Lalnuntluangi, St. Paul's HSS, Aizawl

2.    TC Vanlalmalsawma, Holy Faith English School, Lunglei