All India Vayu Sainik Camp-ah Mizo pasarih an tel dawn

National Cadet Corps (NCC) Air Wing-a awm Mizo tleirawl pasarihte chu All India Vayu Sainik Camp, Jodhpur, Rajasthan-a neih turah India hmarchhak bial aiawha tel tura thlan an ni.

Thu dawn danin, All India Vayu Sainik Camp (AIVSC) neiha tel tur thlanna atan kumin September 4 aṭanga October 3 thleng khan Narangi, Guwahati-ah Pre Vayu Sainik Camp neih a ni a; chutah chuan Mizoram aiawhin Pachhunga University College leh Zirtiri Residential Science College-a NCC Air Wing-te an tel a ni.

AIVSC-a tel turin PUC zirlai H Lal­rinfeli, Ngurnunsangi Sailo, Ruthi Rochanpuii leh Ruth Vanlalfeli te, Zirtiri RSC aṭangin P Rosangpuia, Lalthanpuia leh Lalruatfela te thlan an ni.