AR-in silai leh meth an man

Assam Rifles leh Customs chuan nimin khan Champhai Zote khaw ram chhunga ramhnuaiah AK-56 Rifle pathum, magazine ruak pathum leh Myanmar pawisa Kyat 2,30,000 an hmu chhuak.

AK-56 Rifles leh a magazine leh Myanmar pawisa an hmuh chhuahte hi puana tuam a ni a, dan anga bawhzui turin Customs-in an kawl zui tih Assam Rifles chuan an tarlang. 

Assam Rifles hian Excise & Narcotics mite nen ṭanghoin January 21, Ningani khan Cham­phai Tlangsamah metham­phetamine (meth) mûm 2,69,000 gram 612.8 an man bawk a, tualchhunga hralhna ang chuan Rs. 5,90,12,000 hù a ni.