Dan siamṭhat ngaia hriatte MHIP-in sorkarah an thlen

MHIP General Headquarters chuan Mizo inneih, inṭhen leh rokhawm chungchanga dan hman mek, The Mizo Marriage, Divorce & Inheritance of Property Act, 2014-ah ennawn ngai, siamṭhat leh rawtna an neihte chu nimin khan Mizoram State Law Commission Chairman hnenah an thlen.

Mizoram Law Commission chuan ‘The Mizo Marriage, Divorce & Inheritance of Property Act, 2014’ chu ennawna siamṭhat ngaiin a hria a, MHIP member-te pawhin zir chian leh ngai nia hriain, MHIP Gen. Hqrs.-ah rawtna leh siamṭhat ngai an tihte an thehlut a ni.

MHIP Gen. Hqrs. chuan dan ennawn leh siamṭhat ngai lai nia an hriatte chu siamṭhat a nih theih nan hma an la a; Mizoram sorkarah an thlen ta a ni.