Dy.CM-in kawng thawm ṭhat a hawng

23rd January, 2021

Deputy chief minister Tawnluia chuan January 21, Ningani tlai khan Luangmual Industrial Growth Centre (IGC) chhunga inkalpawhna kawngpui leh a panna kawngpui thuam ṭhatte a hawng.

Kawngpuite hi North Eastern Council aṭanga hmuh cheng nuai 830.70 leh Mizoram sorkar sum nuai 92.32 hmanga thuam ṭhat a ni a; hawnnaah hian bialtu MLA Zothantluanga pawh a tel a ni.

Deputy Chief Minister hian Luangmual IGC chhungah hian Smart City Project hnuaia cheng vbc. 12 sénga Aizawl Smart City Ltd.-in an din tur Music City Project hmunhma a enfiah nghal bawk.