Rajya Sabha MP-in ramri a tlawh

Rajya Sabha MP K Vanlalvena chuan nimin khan Tlabung chhehvela India leh Bangladesh inrìna dep hmun hrang hrang a tlawh a, sipaite leh khawtual mite a kâwm.

MP hian ramri hung hna thawh mek leh ramria kawlphetha pek hna kalpui mek (border flood lighting)-te tlawhin, a siamtu contractor-te a kâwm a, theihtawp chhuah turin a chah.

K Vanlalvena chuan, ramria chengte tihhmasawn leh dâwmkan a pawimawh thu sawiin, "Sipaite leh mipui inkarah thawhhona leh inpumkhatna ṭha zawk a awm a pawimawh a, inhriatthiam tawnna nena boruak ṭha tak hnuaia khawsak tlan a ṭul a ni," a ti.

Rajya Sabha MP hian 60 Bn BSF hnuaia border outpost pali leh 131 Bn BSF hnuaia border outpost pahnih a tlawh a ni.