MPCC-in SHC inthlanah candidate an siam dawn

Mizoram Pradesh Cong­ress Committee (MPCC) Political Affairs Committee (PAC) member-te tun hnaia ṭhukhawm chuan, November 5, 2019-a Sinlung Hills Council (SHC) inthlanah candidate siam an rêl.

MPCC PAC chuan, Congress kaihhruai sorkar a din laia sorkar leh HPC(D)-te'n remna thuthlung siam a, Hmar mipuite chak zawka hmasawnna an hmuh theih nana inremna thuthlung zûlzuia SHC an siam chu lawmawm an tih thu an tarlang a, "Hetianga Hmar mipuite'n hmasawnna an hmuh theihna atana din SHC inthlanpui lo awm hmasa ber turah pawh Hmar mipuite kan duhsakzia lantir nan HPC-te ngenna angin, candidate hranpa siam loh ni se, kan ti hman a ni," an ti.

Thutlukna an siam fel tawh hnua HPC hruaitute leh MNF party-te thawhho tuma an indàwr reng chu ṭha an tih loh thu tarlangin MPCC chuan, HPC can­didate-te thláwp tura thutlukna an tih fel vek tawh hnua HPC lamin inbiakna thu kal lai an bawhchhiat tâk avangin MPCC chuan candidate siam an rèl leh tak thu an tarlang bawk.