Anthurium Festival 2019 khâr a ni

Anthurium Festival 2019 chu Inrinni khan hman chhunzawma zawh a ni a, a khârna inkhawmah Tourism minister Robert Romawia Royte khuallian a ni.

Tourism department buatsaih Anthurium-ah hian mi eng emaw zat an tel a; hnam làm chi hrang hrang, malzai, thiamthil chi hrang hrang entir a ni a, festival chhimtute intihhlimna tur dang eng emaw zat a awm bawk. Festival khârna inkhawmah Tourism Minister chuan, Anthu­rium Festival chuan Anthurium pár a tilâr a, sum tam zawk hai luhna atana hman a nih bakah, mipui hlimna buatsaih chu a tum a nih thu a sawi.

Robert Romawia chuan, Tourism department-in kum hmasa lama an budget chu kuminah 46%-in phâk lo mah se, Mizoram budget páwn lam aṭanga sum hai luh kawngah chona nasa tak petu a nih thu a sawi a; Reiek Tourist Resort tihchangtlunna tura project cheng nuai 560 man sorkar laipuiin a pawm tawh thu te, Ailawng rama Khuangchera Pûk chu sorkarin heritage pawimawhah a puan tawh thu leh a hlutna tipung turin tourist facilities center siam tum a nih thute a sawi bawk.