Soil Health Card Day hman a ni

Agriculture department buatsaihin nimin khan Agriculture conference hall-ah Soil Health Card Day hman a ni. Loneitu mi 28,699 hnenah Soil Health Card sem a ni tawh tih tarlan a ni.

Agriculture (Crop Husbandry) director Rohming­thanga Colney chuan, loneitute'n thlai mamawh ang leiṭha (fertilizer) an hman thiam theihna tura kaihhruai chu Soil Health Card scheme-in a tum a nih thu a sawi a, "Scheme hmang hian loneitute buh leh thlai chìnna rama leite lain, mithiamte'n laboratory-a an endik hnuah an thil hmuh leh an thlai chìnin a mamawh tur leiṭhate ziah lanna card loneitute hnenah pek a ni ṭhin," a ti.

Soil Health Card Day hmanna kaihruaitu Agriculture joint director Zothansangi Sailo chuan, India ram pumah Soil Health Card vbc. 14 pek chhuah tum a nih thu leh, Soil Health Card-a leiṭha hman tur bik leh hman zat tur ziah lan angte chu loneitute'n an ṭangkaipui a beisei thu a sawi.

Soil Health Card scheme hi sorkar laipuiin February 19, 2015-ah a kalpui ṭan a, kumin aṭangin February 19 chu Soil Health Card Day atan puan a ni.