Lei zawh thei chin bithliah

PWD Tlabung Division-in Phairuang leh Búnghmun inkara lei (bailey bridge) pangate chu a hlui tawh a, siamṭhat ngai tawh tak a nih thu an tarlan avangin, Lunglei District Magistrate chuan lirthei rit phur kal thei chin a bithliah a; thupek hi thla hnih chhung hman phawt a ni ang.

Phairuang leh Búnghmun inkara lei (bailey bridge) pangaa lirthei zawh theih chin rih zawng chu metric ton 15 aṭangin metric ton 10-ah tihhniam a ni a; chu'ng leite chu - Sailungrek lei, De lui lei, Tuipawl lei (pahnih) leh Tuisen leite a ni. Lirthei zawh theih chin bithliah zâwm lote chu IPC Section 188 hmanga hrem theih an nih thu Lunglei DC chuan a tarlang.