AMC-in Faina Hapta an khâr

Aizawl Municipal Corporation (AMC) chuan nimin khan Vanapa Hall-ah Faina Hapta khârna inkhawm an buat­saih a, faina lama ti ṭha hrang hrangte hnenah lawmman an hlân.

Inkhawmah hian AMC mayor PC Lal­hming­thanga chuan, bawlhhlawh thliar hrang tura local council-te hmalak mekna chu ṭawi­âwm turin Aizawl mipuite a ngen a ni. Aizawl Mayor chuan, Aizawl khawpuia plastic khap chungchang sawiin, "Plastic hi khawvelin a buaipui mek dan leh India ramah ngei pawh nasa taka buaipui a ni a, prime minister Naren­dra Modi pawhin Independence Day-ah plastic bag micron 50 tling lo leh vawi khat chauh hman chi (single use) plastic-te khap a nih tur thu a sawi a, Aizawl khaw­puiah pawh chak zawka bawhzui a ni ang," a ti.

Aizawla veng fai lawmman dawngtute chu - pakhatna Republic Vengthlang, pahnihna Laipuitlang leh pathumna Luangmual-te an ni a; Armed Veng, Zarkawt, Hlimen, Kanan Veng leh Ramhlun North-te hnenah consolation prize hlan a ni.

1. Republic Vengthlang

2. Laipuitlang

3. Luangmual